MALAFEMMENA e... altro (Totò)

Malafemmena



Si avisse fatto a n'ato Te voglio ancora bene
chello ch'e fatto amme, Ma tu nun saie pecché
st'ommo t'avesse acciso, pecché l'unico ammore
e vuò sapé pecché? sì stata tu pe me...

Pecché 'ncopp'a sta terra E tu pe nu capriccio
femmene comme a te tutto 'e distrutto, ojné.
nun ce hann'a sta pe' n'ommo Ma Dio nun t'o perdone
onesto comme a me!... chello ch'e fatto amme!...

Femmena,
tu si na malafemmena...
chist'uocchie 'e fatto chiagnere...
lacreme e 'nfamità.

Femmena,
si tu peggio 'e na vipera,
m'e 'ntussecata l'anema,
nun pozzo cchiù campà.

Femmena,
si ddoce comme 'o zucchero
però sta faccia d'angelo
te serve pe 'ngannà...

Femmena,
tu sì 'a cchiù bella femmena,
te voglio bene e t'odio,
nun te pozzo scordà...


Nce sò caduto

Nun cunuscevo Ammore,
nun sapevo ched'è
Penzavo:chistu core
nun ll'adda maje sapè.
Ma quanno te 'ncuntraje,
senza sapè pecchè,
io me ne annammuraie;
e mmo sò pazzo 'e te.
So 'nnammurat' 'e te - so 'nnammurato,
e nun saccio pecchè - nce sò caduto:
forse è sta vocca toja ch'è profumata,
forse pe st'uocchie tuoje ca sò 'e velluto.
E mmo ca tu si o bbene 'e chistu bbene
si 'a luce, 'o sole, e ll'aria ca io respiro.
Chesta felicità mo m'appartiene
so 'nnammurat' 'e te ammore mio.

E mmo conosco ammore
e saccio chello che è
la sera conto ll'ore
pe m'abbraccià cu tte.
'E zucchero sti vase
so ddoce comm'a cchè
e quanno tu me vase
cchiù mmannammoro 'e te.



T'aggia lassà


'A te vurria sapè si chist'ammore
capriccio, desiderio: che sarrà?
'E vvote t'odio: se ribbella 'o core,
ma tutto passa si te faje vasà.
T'aggia lassà,
ma 'o core nun mm' 'o 'ddice 'e te lassà
pecchè...
'o vvuò sapè?
Tu sola po' che ffaje senza 'e me.
lo nun saccio stu bbene si è bbene...
nun saccio chedè.
Saccio sulo ca si staje luntana
io corre addu te...
... corre addu te.
Ma c'aggia fà,
viene addu me - turnammece a bbraccià
pecchè
sulo cu mme
tu siente chello ca sent'io pe tte.

Chesta bellezza toia me fa penà
e spissevote penzo 'e te lassà.
Forse è sta gelusia ca me tortura
st'ammore ca nun me fa raggiunà...

T'aggia lassà,
ma 'o core nun mm' 'o 'ddice 'e te lassà
pecchè...
'o vvuò sapè?
Tu sola po' che ffaje senza 'e me.
lo nun saccio stu bbene si è bbene...
nun saccio chedè.
Saccio sulo ca si staie luntana
io corre addu te...
... corre addu te.
Ma c'aggia fà,
viene addu me - turnammece a bbraccià
pecchèsulo cu mme
tu siente chello ca sent'io pe tte.


Me sò scurdato 'e te


Tu te stancaste 'e me dint' 'a vernata,
io m'ero già stancato int' a l'està...
Dispiette ne facetteme a palate,
e pe dispietto si ghiuta a spusà.
Tu m'he vuluto bene overamente,
e io pure t'aggio amata 'a verità,
però mo 'e te chiù nun me 'mporta niente,
nun tengo manco o tiempo 'e te penzà.
Me sò scurdato 'e te
e vuò sapè pecchè?
Mo voglio bene a n'ata,
ch'è assaje chiù meglio 'e te!
Na bella 'nnammurata,
ca penza sulo a me.
Tu t'he scurdato 'e me,
io chiù nun penzo a te,
però quanno chell'ata
me vase, io veco te,
e tu si staje cuccata
c' 'o sposo, pienze a me!

Mo tutt'e juorne passe pe 'sta via,
cu na speranza 'ncore e me vedè,
sparagnate 'o disturbo bella mia,
'o vuò capì ca io chiù nun penzo a te.
Nce avive penzà buono int' 'a vernata,
quanno nun ne vuliste chiù sapè...
io m'ero già calmato int'a l'estate
quanno pensaje chest'ata è meglio 'e te!

Me sò scurdato 'e te
e vuò sapè pecchè?
Mo voglio bene a n'ata,
ch'è assaje chiù meglio 'e te!
Na bella 'nnammurata,
ca penza sulo a me.
Tu t'he scurdato 'e me,
io chiù nun penzo a te,
però quanno chell'ata
me vase, io veco te,
e tu si staje cuccata
c' 'o sposo, pienze a me!